Mucha a keda den shock: 2 aña di castigo pa psicologo cu a abusa di menor di edad

Awe a cay sentencia den caso di un Psicologo, Dimitri di Carlo, cu a abusa di un menor di edad, na mei 2020 el a mishi cu un mucha di 16 aña. E mucha a bay papia mesora y conta su mama di biaha kico a pasa, e mama cu sa con henter e situacion ta hinca den otro, a cana su caminda di biaha y bay haci denuncia na polis.

E no ta un psicologo di mucha. Den pasado el a atende un par di mucha como psicologo, pero no ta asina cu e tabata traha oficialmente na Aruba, ni via AZV of nada, dus e tabata priva y no ta conoci cu con hopi mucha e por a atende.

Dimitri di Carlo, acusa pa mishi cu menor di edad

Esaki ta un bon voorbeeld di con un caso lo mester cana segun Lisette Gomes di Fundacion Lisette Gomes Stop Abuso Sexual di Mucha, door cu e ta un mucha cu ta na altura di kico ta abuso sexual di mucha, no mas tog el a cay den un shock na momento cu esaki tabata pasando, pero si a sa di papia y conta su mama kico a pasa. “Mi ta hopi orguyoso di e mucha pasobra na Aruba mayoria caso muchanan ta papia despues cu e caso a pasa, despues cu ya no tin prueba. Mi ta hopi orguyoso di su mama cu tin e conocemento riba e tema y tog por a papia di biaha”, segun sra. Gomes.

Comments

comments