Partido MPB di Elvin Tjin A Sjoe ta resulta ganado di eleccionnan di Eilandsraad, cu’n total di 3576 voto (40,4%) y esaki ta bon pa 4 asiento den Eilandsraad. PDB di Clark Abraham a saca un total di 2130 voto cu ta bon pa 3 asiento. UPB di James Kroon a saca un total di 1798 voto cu ta bon pa 2 asiento.
Un total di 8845 persona a haci uzo di nan derecho di voto, significativamente menos cu 4 aña pasa. Kisas e rijnan largo tambe a hunga un rol ora di bay vota, cual a haci cu hopi hende no por a haci uzo di nan derecho di voto.
E contamento di voto tambe tabata tin su retonan. E ultimo resultadonan a drenta te den careda di 5 or di diahuebs mainta. Contrario na otro añanan, unda cu e resultado a drenta ya caba pa mei anochi.
Masnoticia lo sigui update e noticia aki, segun mas informacion drenta.