Nos confiansa ta den Dios, y solamente den Dios nos lo tin Victoria.Den e nomber di Hesus tin poder, pa tur esnan cu ta kere den dje. Dios ta mesun Dios di ayera, awe , y pa semper.E no a cambia y nunca lo E cambia, pesey nos mester proclama su palabra y asina trece , sanacion, paz y libertad den tur Famia y tur hogar. Cu e pensamentu aki , y cu fe den Dios, Mount Horeb Ministries/Fortalesa Pa Famia, ta organisa e aña aki nan vigilia anual den studio di Hit 94 FM cuminsando Diahuebs Santo, dia 13 di April 2017 pa 12or di anochi y lo termina Diabierna Santo, dia 14 di April 2017 pa 3or pm. Nos lo tin 14 hora di Oracion, Alabansa, Testimonio, Palabra di Dios, Evangelio, Sanacion, Liberacion, Poder y Gloria.E aña aki nos lo haci un yamada na nos pueblo di Aruba, pa nos ban confia Dios, pa asina Dios su man move riba nos isla. Nos lo livestream/ U stream e programma y tambe nos lo ta riba facebook, pa asina, bo por ricibi e programma, via radio, y internet, si bo ta campa , facilmente bo por scuche via telefon, tablet etc, etc.
Nos ta bay confia Dios pa sanacion: Tur hende ta na altura pa e aumento di Cancer y otro malesa terminal cu ta ataka nos poblacion, no tin asunto di edad, e malesa aki ta ataca hende di tur edad. Ciencia medico , ta confronta tur dia cosnan nobo, pesey nos kier bin hunto cu henter nos pueblo, pa asina clama dilanti di nos Dios pasobra sanacion ta den su man. Señor por cura tur malesa. Nos ta haci un yamada na tur hende cu tin un persona cu tin un persona den intensive care, of cu cancer, of otro malesa terminal, scirbi nos [email protected]
Nos ta bay confia Dios pa libra nos di Criminalidad:
Rond mundo criminalidad ta aumenta y Aruba no ta keda afo, no ta cuestion di politica, pero ta cuestion di norma y balor. Nos lo clama na Dios, pa cancela tur tipo di ladronicia, atraco, malversascion. Pa Dios trece na claridad, tur entrada di Arma, droga, tur e cosnan cu ta pone hende inocente den peliger, pa Señor trece confusion bao di esnan cu ta den tur sorto di crimen, y asina nan wordo atrapa.
Nos ta bay confia pa para e cantidad di Divorcio riba e Isla aki.
Di tur e islanan den Reino Hulandes, Aruba tin un porcentahe hopi halto di divorcio. Esey ta nifica cu respet y fielded ta na un nivel hopi abao, y cu materialismo, ta domina matrimonio. Hendenan ta divorcia pa loco, y nan no ta corda cu cada divorcio ta trece cune yiunan rechasa, bandona, cu duele y rabia, y cu despues ta contribui na aumento di criminalidad. Esaki ta un punto hopi importante durante nos vigilia y marathon di oracion.E division den famia ta alarmante.
Relacion entre Mayor y yiu y Violencia Domestico.
Nos ta kere cu si tur mayor na Aruba, pone un tiki mas tino riba nan yiunan, nos lo Evita hopi problema, tanto den cas, cu famia, y cu comunidad.
Ora un mayor ta laga un mucha pa su cuenta, no solamente, e ta bira un problema pa e famia, pero e ta bira un problema pa comunidad.
Falta di supervision di mayor ya pone un mucha perde un aña di scol.
Violencia domestico ta causa division den famia, abandono di hogar, bao di cual e mucha un biaha mas ta e victima. Nos lo clama na Dios pa un cambio.
Tin hopi punto mas pa oracion y nos lo tin diferente team di oracion, cu lo bay ta hunto cu nos pa 14 ora. Nos kier invita henter e pueblo di Aruba pa manda na peticion di oracion na email: [email protected]
Si bo ta sinti riba bo curason pa yuda nos cubri e gastonan di transmision, bo por haci bo donacion na Caribbean Mercantile Bank sav acct 101.601.809 att; Stichting Mount Horeb Ministries.
Durante dia riba diabierna dia 14 di April 2017, bo por entrega bo peticion di oracion cerca nos na Hit 94 FM na Caya Ernesto Petronia. Bo sintonia, y bo oracion hunto cu nos pa bienestar di nos pueblo ta di aprecia.