Riba lama pazuid di Rodgers Beach altura di Nanki diahuebs atardi un piscado local a confronta problema unda e motor di e boto a paga y no kier a cende bek. Esaki a pone cu e homber a bati alarma na su famia y un otro boto a yega pa yuda e persona. Pero e homber su man tabata herida debi cu hanzue a pasa door en door di su dede.
Nan a pone e homber bula bay den otro boto pa bin tera cune y asina e bay Centro Medico pa haya atencion medico y otro persona a keda riba su boto. Kustwacht y Polis maritimo a presenta debi cu nan a keda infroma cu e boto ta drief suso y no tin hende aden, pero tur cos tabata bou di control.