Un vuelo di e aerolinea Delta cu tabata biahando for di Atlanta pa Baltimore mester a realisa un aterisahe di emergencia dialuna, despues di cu un di su motornan a faya durante vuelo y ta pega candela.
Riba e vuelo DL 1425, tabata tin 148 pasahero, mas seis miembro di tripulacion. Ora cu e emergencia a presenta, e avion a desvia pa e Raleigh Durham International Airport na North Carolina y a aterisa sin ningun contratempo.
E avion tabata riba Virginia un ora despues di su ora di vuelo programa di casi dos, según e informacion di e website cu ta sigui vuelonan Flightradar24.
Un vocero di Delta a describi e incidente como menor y a desvia pa otro aeropuerto como un medida di precaucion. Despues a keda confirma cu e motor banda robes a faya.
Varios usuario di e rednan social a comparti un video cu ta mustra e fayo den e turbina y loke ta parce di ta na candela.
E compania a confirma diamars cu tabata tin un “problema di mantencion” den e motor robes, cu por wordo caracterisa como un fayo. Ademas, el a bisa cu e motor a wordo reemplasa y esun daña lo wordo revisa door di specialistanan den mantenemento.
