Bomberonan a haya nan ta core di un sitio pa otro, ora cu a surgi candela den area di Playa. Uno taaata un apartamento na final di caya grandi, y e otro tabata di un auto na Wayaca.
Chauffeur di e Starlet blauw tabata coriendo riba e caminda di Wayaca ora cu dado momento vlam a bay halto for di e motor y mesora el a para e vehiculo riba caminda, cerca di Wayaca Supermarket. Personanan den bisindario a core bin yuda e chauffeur masculino mientras cu otronan a bati alarma.
Bomberonan cu a yega mesora a sigui traha riba e motor pa evita cu tin otro candela atrobe. A saca bateria. E chauffeur mes no a sufri mucho daño.
Por a mira algun meter mas prome, e auto a cuminsa basha azeta, locual por tabata e causa di e candela aki.