Diahuebs marduga central di polis ta keda informa cu un brommer lo a dal den un baricada y cay abou y e manehador di e brommer lo a herida su mes. Di biaha ta manda un patruya di Santa Cruz pa e sitio.
Na yegada di polis ta constata cu un brommer Yamaha blauw biniendo di abou diripiente a topa cu e caminda sera cu baricada y dal basta duro aden y cay abou lastra bay para basta leu di unda e impacto tawata.
E maneador a haya basta rasca na curpa y cara pero no tawata desea ambulans. E manehador ta un persona cu ta di vakantie na Aruba y probabelmente pesei e no sa di e cambio di ruta aki. E brommer a haya basta daño.
Bisiñanan a conta cu tin basta auto ta pasa ranca e baricada of ta brake di golpi y ta un molester pa nan marduga. Y enberdad mane por wak ariba e potret na unda e baricada ta poni tin basta lastra di brake di diferente auto.
Na e otro banda ora bo ta bin for di Pavia tambe e baricada ta benta abow indicando cu un auto lo a pasa ranke. Normalmente semper unda cu tin trabownan andando y cu sera caminda cu baricada DOW ta pone e lusnan grandi riba generator pero na yun di e tres bandanan cu ta sera no tin NINGUN iluminacion poni y ta hopi scur.