Willemstad Curacao: Diamars den oranan di atardi rib’e caminda di Santa Rosaweg na Curacao a keda registra un accidente serio entre auto y scooter, polis di biaha ta mobilisa p’e sitio y ta topa cu un homber benta abou den situacion grave. A pidi presencia di ambulance pero paramedico n’e sitio a constata cu e homber ya no ta duna señal di bida mas y a notifica dokter presenta. E caminda a keda cea pa polis di trafico haci nan investigacion. A saca afo cu e motociclista a perde control y a dal su curpa den un yaris color cora.
