Diabierna den careda di 10:30 anochi riba e caminda di Shiribana pa Paradera altura di Subway a sucede un desgracia unda aki un auto y un scooter tabata envolvi. Patruyanan policial a presenta cu urgencia na e sitio pa cera e caminda y ambulance tambe a presenta. A bin haya un homber benta abou cu tabata riba un bajaj debi cu e honda a sali su dilanti. Personal di ambulance a atende cu e motociclista cu tabata basta herida y a keda transporta pa hospital. Specialista di trafico y departamento forensico tambe tabata presente.