Ariba e caminda di Italiestraat y Caya di Pos a sucede un accidente diabierna anochi unda un persona riba scrambler a resulta herida. Polis di biaha ta presenta na e sitio y constata cu e chauffeur di e pickup ariba Caya di Pos a bay pa lora na su man robes pa drenta Italiestraat a haya caminda bashi. Pero e tabatin mala suerte debi cu tabata bin un scrambler luz paga direccion nort a dal dilanti di su pickup. E motociclista a bula dal abou y keda herida, y a keda atendi pa personal di ambulance.