Diabierna marduga, polis a bay di manera inmediato n’e Paperclip Rotonde na Sero Patrishi, pa un accidente, caminda cu tabatin un hende herida.
N’e sitio polis a tuma nota cu ambulance tabat’ey presente ta dunando prome asistencia n’e victima.
Segun testigonan, aparentemente e brommer tabata bin fo’i pabao riba un velocidad halto y no a logra para na tempo, ora cu el a subri e rotonde. Dado momento el a perde control y a dal abao, consecuentemente el a resulta herida.
Mirando e grado di e herida, personal di ambulance a opta pa hiba e motociclista hospital pa tratamento medico avansa. Pero debi cu e hoben a drenta den un estado di panico y a bira histerico, a pidi e agentenan policial pa compaña nan te ora nan yega hospital.
