Den e cayanan di Paradijs diamars atardi a sucede un accidente unda un motociclista a perde control cu su brommer y dal riba un auto slip keda herida. E brommer su amigonan a core sconde pa polis no haya sa. E homber herida si a keda benta abou. Ambulance a presenta unda paramedico a cuminsa atende cu e victima.
Patruya di trafico a presenta y na e sitio dos partido di amigonan a cuminsa discuti cu otro unda e problema casi a bay for di man. A solicita yudansa di otro patruya pa si cualkier cos bay completamente for di man mientras cu tension tabata halto. Paramedico a atende cu e victima herida y hibe hospital. Habitantenan a comenta cu nan ta cansa di e coremento di brommer duro y haci wega den e caya.