Diahuebs atardi riba caminda principal di Savaneta pa San Nicolas net na altura di jr Cura Cabai autoridad a keda informa di un accidente entre auto y brommer y e motociclista ta herida benta riba caminda. Patruyanan di biaha ta keda mobilisa p’e sitio, a topa cu un nissan march pariba pariba di caminda y e brommmer memei caminda. Na prome instante a kere cu ta trata di no duna preferencia ya cu e autonan tabata leu di otro.
Polis a bay atende cu e motociclista wak si tur cos ta bon cune pero tabata keha di dolornan na curpa despues di a dal abou, a bay wak cu esnan den e nissan march pero nan tabata bon.
A saca afo cu e motociclista no a regula su velocidad y distancia a dal tras di e nissan march cu a para memei caminda pa bay n’e tweg cu tin patras di jr.
Ambulance a presenta rato despues unda paramedico a brinda asistencia medico. Polis di trafico tambe tabata presente pa tuma dato.
