Diasabra merdia riba e caminda di Alto Vista a sosode un accidente fuerte entre brommer y un pickup, e desordo a pone habitantenan sali pafo y a tuma nota di e dalmento y a bati alarma na autoridad di biaha.
Polisnan a mobilisa di biaha y topa cu tanto e pickup, brommer y e homber cu tabata maneha e brommer riba caminda benta y herida. Ambulance a presenta di biaha unda paramediconan a brinda asistencia rapidamente na e victima cu sla na cara y demas parti di curpa. A stabilisa e persona na e sitio y a keda transporta pa hospital. Polis di trafico tambe tabata na e sitio pa haci nan investigacion.