Motiva Enterprices ta retira su candidatura pa operacion di refineria Isla

WILLEMSTAD – E compania petrolero Motiva Enterprices a retira como candidato pa tuma e operacion di e refineria Isla over. E compania aki tabata esun cu tabata gosa di e preferencia di e gobierno di Corsou.
Motiva, un sucursal na Merca di e compania Saudi Aramco, lo a tuma e decision debi na e investigacion riba posibel sobornonan di cual e ex director di Refineria di Korsou, ta wordo sospecha di dje. Esaki lo tabata kier a cera un deal lucrativo pa su mes persona cu’n competido di Motiva.
E colapso di e combersacionnan ta un golpi duro pa Corsou, cu ta en busca di un operador nobo pa rebiba e refineria di un siglo di antiguedad cu ta emplea mas o menos 2 mil persona. RdK tabata kier pa Motiva a cuminsa cu e operacionnan mas trempan, prome cu e contracto cu PdVSA termina na december 2019, cu’n MOU firma na final di luna pasa.
E facilidad apenas a opera aña pasa, debi na e falta di suministro, servicionan di mantencion y servicionan publico domestico. Isla recientemente a reinicia su operacionnan pero na un nivel mas abao cu di custumber.
E compania Venezolano, cu recientemente a wordo sanciona pa Merca, ta sigui haci uzo di e termina di Bullen Bay na e isla pa e logistica di operacion y almacenamento. E cargamento di petroleo cumpra pa PDVSA hopi biaha biaha ta haci uzo di e waf di Corsou pa sigui su caminda pa Cuba, un aliado Venezolano cercano.
Tempo ta oro pa Gabinete Rhuggenaath: na fin di aña 2019 e acuerdo cu e operador actual PDVSA ta termina. E compania petrolero estatal Venezolano kier extende e contract, pero den e ultimo añanan no a mustra di ta e partner ideal, y mas cu claro, door di e crisis na Venezuela, ta den problemanan financiero grandi.

Comments

comments