TEGUCIGUALPA, Honduras – Un homber di 50 aña a converti den e di seis victima mortal pa causa di e Sindrome Guillain-Barre na Honduras pa loke ta 2016, un fuente oficial a informa diamars.
E morto “a registra den e ciudad capital (Tegucigualpa) cu e diagnostico confirma di e Sindrome di Guillain-Barre, ta trata di un homber mayor di 50 aña,” e vice minister di salud di Honduras, Francis Contreras a bisa periodistanan.
El a agrega cu na 2016, den e pais a registra 141 caso di persona cu a contrae e Sindrome Guillain-Barre, y cu den e caso di e ultimo fayecido, no identifica, ta haciendo pruebanan medico pa sa si e tin relacion cu e virus di Zika.
E funcionario a reitera na e Hondureñonan pa nan sigui cu e campaña pa distrui e criaderonan di sangura pa evita contrae zika y dengue, enfermedadnan cu tambe ta afecta e pais Centro Americano.
E prome caso di morto pa e Sindrome Guillain-Barre na Honduras a registra na Maart ultimo, mientras cu e restante cuatro na Mei, Juli (dos) y Augustus.
Fuente: NTN24