SRI LANKA – E cantidad di morto door di inundacionnan cu Sri Lanka a sufri den e ultimo dianan, a hisa diadomingo na 146.
Tin e temor cu e cantidad di morto lo aumenta, pasobra ainda mas di 100 hende ta perdi.
Como consecuencia di e inundacionnan, mas di mey miyon di hende a keda sin dak, segun autoridadnan di e pais. Tambe tin hopi chens cu lo por tin un brote rapido di malesanan manera dengue y colera.
Pasobra cu a para cu awasero, areanan cu a inundia por ricibi ayudo di Gobierno. Paisnan manera India y Pakistan, a bringa Sri Lanka ayudo. Den algun parti e pais caminda cu e awa tabata basta halto, poco poco esaki ta baha. Partinan ma grandi manera e parti zuid y west di e pais, ta bao di awa.
E inundacionnan reciente na Sri Lanka ta conta como un di esunnan mas pisa den dies aña. Sri Lanka hopi biaha ta wordo afecta pa inundacion despues di awasero pisa. E temporada di awasero ta conta for di Mei te cu September.
Fuente: www.nu.nl