E situacion di Covid-19 na Merca ta yegando manera e cuminsamento na April caminda casonan pa dia a yega na 200.000. E crisis lo por bira mas erg pa motibo di consecuencia di dianan di Thanksgiving, pasco y aña nobo. Practicamente tur stad di Merca ta raportanto aumento di caso.
“Locual nos haci ta cuestion di bida of morto pa hopi di nos ciudadanonan. E yegada di e vacuna ta motibo di speransa, pero e realidad cu ta sufriendo awo ta uno grave”, asina a bisa e gobernadora di Washington.
E ta extende restriccion na compania, reunion social incluyendo prohibicion di come y bebe den bar y restaurant. Na otro partinan di e pais, e gobernadora di Nort Carolina a impone ‘toque de queda’ te cu 10pm.
Autoridad di a manda un alerta pa contacta miyones di persona e propagacion di e virus cu ta pasando lihe, el a insta pa tur hende cumpli cu orden di cada stad. Ta culpa e virus di mas di 285.000 morto y 15 miyon di infeccion confirma na Merca.
Hopi Mericano a haci caso na advertencia di no biaha durante ‘thanksgiving’ pero ta ignora otro precaucion di siguridad. Polis na zuid di California a detene 160 persona pa motibo cu nan no tabatin mascara na un fiesta na Palmdale.