ISTAMBUL, Turkia- E periodista Saudita Jamal Khashoggi, desapareci na Turkia, tabata por a graba e momento di su morto den un grabado hinca den su Apple watch cu e tabata tin bisti, segun e corant Turco Sabah. E dispositivo tabata sincronisa cu su smartphone y iCloud, cual a permiti polis y su servicionan special Turco na accede na e grabacion.
Miembronan di e servicion special di Turkia ta analisando e audio di e interogatorio, na cual e periodista opositor na Riad, e tortura y asesinato. E medio ta destaca cu e agentenan di inteligencia Saudita a wak e holoshi nan a purba elimina e grabacion, pero nan no por a elimna tur e datonan ya cu e tabata transmiti esaki pa e iCloud.
Segun e fuente di e corant, autoridadnan di Turkia ta conta cu evidencia di cu Khashoggi a wordo asesina y desmembra den e sede di e Consulado General di Arabia Saudita na Istambul, dia 2 di october.
Diaranson ultimo, medionan a revela cu e grabacionnan di e amara di siguridad di e propio sede diplomatico a wordo elimina y cu a exigi e personal Turco pa tuma e dia liber den cual e periodista Saudita Jamal Khashoggi a drenta e edificio cu’n cita pa reclama su papelnan di divorcio.
Oficialnan Saudita a afirma cu el a sali un rato despues. No obstante, su pareha, cu tabata sperando ariba dje pafo di e edificio, a bisa cu nunca el a sali. E muhe a pasa varios hora sperando riba dje cu tur su pertenencia y despues el a yama polis.
Presidente di Merca, Donadl Trump, diabierna a priminti un “castigo severo” si descubri cu Arabia Saudita tin di haber cu e desaparicion di e periodista cu tabata scirbi pa otro medionan, manera The Washington Post. “Niun hende sa” si e funcionarionan Saudita ta involucra, pero e incidente “ ta wordo investiga profundamente”, e mandatario a sigura. “Nos lo yega te na fondo di e caso aki y lo tin un castigo severo”, el a agrega.