Boneiro: Awe mardugá, alrededor di mitar di 3, a tuma lugá un aksidente di tráfiko ku a laga atras un morto registrá. E aksidente aki a tuma lugá riba Kaya Korona. Segun informashonnan no ofisial, un vehíkulo lo mester a alkansá 2 persona ku tabata riba un baiskel na altura di Flamingo TV, dilanti santana katóliko. E impakto tabata fuerte i ámbos persona ku tabata riba e baiskel a keda gravemente herida i den un situashon kritiko a keda transportá pa hospital.
Den oranan trempan di mainta a disidí pa urgí transportashon di ámbos víktima pa Colombia pa risibí tratamentu médiko mas avansá. Lástimamente ku na momentu ku tabata hasiendo e trámitenan un dje víktimanan a bin fayesé. Ta trata aki di e hòmber W.B. di 36 aña di edat. E otro víktima sí a wòrdu transportá pa Colombia.
E kaso ta unu registrá komo ‘hit & run’, ya komo ku e shofùr di e vehíkulo ku a kometé e aksidente a sigui kore bai. Outoridatnan ta investigando e kaso aki i segun e promé informashonnan a detené un hóben di 17 aña di inisial K.B. relashoná ku e aksidente aki.
No tin duda ku esaki no por tabatin un reibeweis.
Potret cortesia di Live 99 Fm Boneiro