Cada biaha e destruccion na monumentonan den Rancho ta birando mas. Tin falta di hopi piedra na e forno di calki y tambe e tanki di awa. Sr. Clifford Roza, di Stichting Rancho ta splica mas di esaki.
Ta sospecha cu e ambulantenan ta torno e forno y e tanki di awa di tal manera, cu eigenlijk dos monumento industrial, proteha mester di atencion pa conservacion, y un restauracion ta hopi bon. E ta un deseo di e fundacion, pero ta keda na e doñonan, cual ta Monumentenfonds y Monumentenbureau (gobierno). Mester pone mas atencion na e monumentonan aki., mirando cu cada biaha ta hayando mas bishitante, mas muchanan di scol cu ta biniendo. Ta bezig ta educando e muchanan di scol mes, di kico ta e importancia di e monumentonan aki, di kico ta su historia. Ta algo increibel cu por mira esaki sigui deteriora, mirando cu e deterioro ta algo cu niun hende kier mira. Atencion pa monumento ta necesario, pero tambe pa e obhetonan aki, cu segun Sr. Rosa no ta trece placa den caha. Pero e ta haci bo orguyoso cu bo tin monumento protehi, y cu tin atencion pa nan tambe. Esey ta sigur un deseo di Fundacion Rancho, mas atencion pa locual ta e monumento aki.
Pa remedia esaki, Fundacion Rancho tin un plan traha caba, pero e ta un proceso cu no solamente e fundacion mester atende cu esaki, pero tambe gobierno mester pone di su parti y sector priva sigur t’ey pa yuda. Pero e punto ta cu algo lo mester sosode, y no ta papia di cera e monumento cu niun hende por yega na dje, pasobra cu a costa basta energia y esfuerso pa habri’e di tal manera cu por tin un forno di calki cu por drenta den dje. Pero e problema di ambulantenan ta locual mester di atencion. Si por wak cu e problema ta creciendo, pero tambe e ambulantenan ta birando fastioso, y nan ta busca luga pa pasa anochi, trankilo. Lamentablemente nan a scoge e forno di calki unda cu nan ta biba den dje. Si wak cuanto sushi tin rond di dje, sin wak ainda paden, cu tin yen di sushi. Eyden ta wak cuater, cinco ambulante ta pasa anochi eynan.
E problema aki ta keda na gobierno pa atende cu e problematica di ambulantenan cu tin den centro di Oranjestad y tambe den e bario di Rancho tambe. Te asina leu, Sr. Clifford Roza, di Stichting Rancho.