Rond mundo tur aña dia 18 di April ta celebra monumentonan cu diferente actividad. E meta ta pa promove conscientisacion tocante e diversidad di herencia cultural y nan vulnerabilidad y e esfuersonan rekeri pa nan proteccion y conservacion.
Na 2017 e tema ta ‘Herencia Cultural y Turismo sostenibel’ . Diferente partner lo ta organisando actividadnan riba e fecha aki pa celebra y promove nos herencia cultural y monumentonan.
Riba diamars 18 di April bishitantenan di Aruba lo por scohe for di diferente actividad pa asina siña un tiki mas y experencia nos herencia cultural.
E actividadnan cu lo tin e dia aki ta :
* Curator VIP tour na Museo di Industria na e Watertoren di San Nicolas; experencia e museo industrial cu un tour di e curator Renwick Heronimo.
Ora: 10:00- 11:00 Am Luga: Watertoren San Nicolas
Pa mas informacion: 584 70 90, [email protected]
Cosecha San Nicolas ta organisa un workshop di palo di kwihi caminda e participantenan por traha yaberonan di mata di kwihi cu artista Denny Emmanuel .
Ora: 10:00 – 11:30 Am Luga: Cosecha San Nicolas
Pa mas informacion: 587 87 08 , [email protected] /
California Lighthouse tin tour caminda cu por subi y disfruta di e bunita bista for di ariba.
Ora: Entre 8:30 am – 4:45 pm Luga: California Lighthouse
Pa mas informacion: www.arubalighthouse.com
Aruba Downtown Walking tours lo duna e participante informacion tocante Aruba su historia, herencia cultural, monumentonan , tradicion y cuminda den un caminata door di Oranjestad.
Pa mas informacion: 592 50 69 ,[email protected]
Ora: 9:00 – 11:30 Luga: Ta cuminsa na edificio di Cosecha Oranjestad (Zoutmanstraat 1)
Paseo Historico den e area di Rancho, conoce un tiki mas di e historia di Rancho y explora e perlanan di Rancho manera e forno di kalki di 125 aña.
Ora: 9:00 – 10:30 Am Luga: Ta cuminsa na edificio di Museo Arkeologico den Schelpstraat.
Pa mas informacion: 562 83 52, [email protected]
Museo Historico lo tin un VIP tour duna pa e manager di e museo Joase-Ann van der Biest caminda cu lo rebiba e storianan di Fort Zoutman.
Ora: 1:00 pm – 2:00 pm Luga: Museo Historico/ Fort Zoutman
Pa mas informacion: 588 51 99, [email protected]
Scol di Baile Diana Antonette lo tin un workshop di baile caminda cu e participante lo pro siña 2 baile tradicional cu ta e wals y tumba y tambe siña un tiki tocante e bailenan folklorico di Aruba.
Ora: 9:30 – 11:00 Am Luga: Vondellaan 2, Cas di Cultura.
Pa mas informacion: 593 74 09 , [email protected]
Tambe dia 20 di April, en conexion cu Dia Internacional di Monumento, Museo Arqueologico Aruba lo duna un presentacion tocante di Monumentonan Arqueologico di nos isla na e Multi Functionele Accomodatie (MFA) na Noord.
E presentacion lo ta gratis y lo cuminsa 7:30 di anochi.
Pa mas informacion tocante e diferente actividadnan por bishita e pagina di facebook di Stichting Monumentenfonds Aruba.
Asina aki hunto cu tur e partnernan, Stichting Monumentenfonds ta celebra nos monumentonan y asina contribui na preserva nos pasado pa futuro!