En conexion cu nos celebracion di nos Himno y Bandera, Monumentenbureau ta uni cu Archivo Nacional Aruba (ANA) pa e exposicion “ARUBA TA DI NOS TUR” riba 18 di Maart 2017, cu ta nos dia nacional di Himno y Bandera. Aki Monumentenbureau lo comparti diferente informacion valioso di casnan di Kunuku. Lo comparti entre otro informacion di casnan den centro di ciudad y pafo di ciudad, materialnan di construccion, diferente estilo di dak, decoracionnan riba e casnan, con e gootnan di cas tabata construi y informacion di e fogon.
E exposicion aki lo keda habri pa 2 luna largo pa scolnan pa bishita y haya e informacion di Aruba di antes.
Monumentenbureau ta invita e pueblo di Aruba pa pasa bishita e exposicion y alabes haya informacion valioso tocante nos herencia cu ta e casnan di cunucu.