Despues di tres siman intensivo participando den e “Programa di excelencia di Aruba”, personal di Monumentenbureau a ricibi nan certificado cu nan a termina e curso cu exito.
Pa por a participa na e curso aki tambe conoci como “Aruba certification program, mi compromiso” a ricibi aprobacion di ex Minister di Cultura, sr. Otmar Oduber en Minister di Asuntonan General, sr. Mike Eman. E curso tabata hopi varia y directora di Monumentenbureau, sra. ing. Yvonne Webb-Kock ta felicita su personal cu nan certificado. Alabes Monumentenbureau kier a gradici e docentenan di e curso, sr. Giovanni de Windt y Melissa Robert, pa nan bon guia y dedicacion y pa comparti nan conocemento y informacion di Aruba.