Sra. Irayka Yanez, cabesante di Montessori High School na Aruba ta papia di e proyecto nobo di scol secundario na Aruba. Ta conoci cu tin e kleuter y e scol basico, pero esaki e mucha lo por sigui e anja escolar pa 18 aña.
E metodo di Montessori High School ta pa traha a base di nivel y tempo di mucha. “E habilidad di e mucha, personal, nos ta desaroya e parti personal. Parti academico pero enfoke riba e parti humano den comunidad despues di scol”, e ta bisa.
Sra. Yanez ta bisa cu cualkier studiante por stroom den e scol si ta haya advies pa EPB, MAVO y HAVO, e ta manera un MAVO, HAVO, pero ta usa e diferente metodo y no manera un scol tradicional. E educacion y idioma di instruccion ta na Ingles. Despues di obtene e studio di Montesorri High School nan por escohe pa bay un EPI, Universidad di Aruba of un College na Merca. Depende di e mucha su credits tambe por opta pa Universidad na Merca.
E ta splica cu e meta ta expande, actualmente e ta un grupo chikito y ta hayando varios peticion pero no tin suficiente maestro pa duna les secundario dus pa e motibo aki ta keda chikito. Pero e interes di mayornan pa cambia e sistema tradicional pa drenta Montesorri High School.
Sra. Yanez toch ta splica di e sistema di cambio di un scol na Hulandes pa Ingles, e ta bisa cu den caso cu mucha tin dificultad nan ta yuda cu algun palabra, pero ta preferibel e mucha tin conocemento den idioma pa asina e por compronde e lesnan.
Pa locual ta expansion pa cualkier persona cu ta interesa den duna les den e metodo di Montesorri, e ta bisa cu persona cu tin un bachelor diploma por aplica pa un programa di 18 luna pa obtene un certificado pa por duna les na nan scol. No ta importa si no ta un bachelor degree den educacion.
Pa mas informacion por bay na www.ynzmontessori.com pa wak cua ta e rekisito di scol y e asunto di pago.