SAN FRANSISCO, Merca- Un hurado di California a dictamina cu un pareha cu a desaroya Lymphoma No Hodgkin (LHN), un cancer cu ta afecta e sistema inmunológico, door di Roundup.
E compania farrmaceutico Aleman, Bayer, cu a cumpra Monsanto na juni aña pasa, lo tin cu paga mas di 2 biyon dollar na un pareha cu a desaroya cancer a causa di e herbicida, Roundup, segun un corte di California a dicta.
Segun e veredicto di hurado di e Tribunal Superior di San Fransisco na Oakland, e compania tabata responsabel di cu e demandantenan Alva y Alberta Pilliod a haya Lymphoma No Hodgkin (LHN), un tipo di cancer cu ta afecta e sistema inmunológico, segun un vocero di e pareha.
Miembronan di e hurado a determina cu Roundup a wordo diseña di manera defectuoso, cu e compania no a adverti e risiso di cancer vincula na e herbicida y cu a actua cu negligencia.
Bayer, cu a cumpra e compania fabricante di Roundup pa 63 biyon dollar, ta afronta mas di 13 mil huicio pa supuesto riesgo di cancer causa pa e herbicida.