MAUNGDAW, Birmania – Un monk Budista Birmano a wordo deteni diadomingo despues cu autoridadnan a haya mas di 4 miyon di anfetamina scondi den su monasterio den noordwest di e pais, polis a anuncia dialuna.
“Ora cu polis a deten’e, nan a haya 400 mil pildo den su auto,” Kyaw Mya Win, di e polis di e provincia di Maungdaw, a splica AFP.
Tras registra su monasterio, forsanan di e orden a haya “4.2 miyon di droga comprimi scondi,” el a añadi.
Segun medionan local, ta trata di e prome monk deteni pa posesion di droga den e zona aisla aki di e pais.
Aña pasa, na 2016, nan a confisca 98 miyon di pildo di e droga sintetico aki den henter e pais compara cu 50 miyon na 2015.
Birmania, e pais recien sali di decadanan di dictadura, ta un di e centronan di transito di e droga den zuidoost Asiatico.
E region di e Triangulo di Oro den confinnan di Laos, Tailandia y Birmania pa hopi tempo tabata e principal centro di produccion di opium y heroina te cu Afganistan a converti den e prome pais productor.
E decomiso di metanfetamina den e region Asia-Pacifico a cuadruplica den cinco aña, segun Nacionnan Uni, cu ta calcula cu e produccion y e consumo di e droganan aki di sintesis a dispara den e region.
Na Tailandia, mas of menos un trinta monk mester a retira na 2013 door di a tuma droga, un aña caminda cu a produci un cantidad di escandalo cu a involucra religiosonan di e pais.
Fuente: Caracol Noticias