E meta e aña aki ta traha riba e consehonan cu e investigacion a duna pa asina cuminsa na e edad di muchanan hopi jong Sra. Monique Giel Labad ta splica.
Tambe den e educacion sexual, locual ta bin voor den e voormeting, ta parti di e menstruatie cyclus, mucha muhenan no tin hopi informacion ariba esaki. Esaki ta algo cu lo mester traha ariba dje. Tin diferencia entre muchanan hopi jong cu ta haya nan menstruacion na edad hopi jong, compara cu Hulanda.
Riba e pregunta tocante, haci e tema aki un vak, Sra. Giel- Labad a splica cu esaki ta keda na man di cada scol. E ta un procedura, y esey cada biaha ta wordo treci dilanti, te ora cu e logra. Door cu e ta un programa piloto, caminda mester zorg pa e docentenan ta bon informa, pa e les wordo bon duna tambe. Par di docente tin dificultad cu cierto temanan, dus aki tambe mester duna guia y extra informacion na e docentenan aki.
Si esaki logra bira realidad, pa haci educacion sexual na scol, pasobra na e pregunta di e muchanan y ora ta den klas, trahando riba e parti preventivo e lo yuda hopi pa baha e cantidad di embaraso hubenil. E cantidad di muchanan cu ta activo, ta keda halto, na edad relativamente jong. Pa un mucha di 12 aña ta activo sexual, ya cu e mucha su curpa ta den desaroyo y tambe su celebro ta den desaroyo.
Hopi biaha, esaki ta muchanan cu ta cay den “trampa”, sin cu nan sa e consecuencia. P’esey den e investigacion, hopi mucha ta uza internet, cu no ta e informacion corecto. Loke tambe a resalta den e investigacion, ta muchanan ta drumi den camber cu hende grandi, caminda cu e grandinan ta wak pornografia, y e mucha ta lanta keriendo cu esaki ta algo normal, sin tene cuenta cu e consecuencianan cu esaki por trece cun’e.