Internacional SURINAM- Recientemente e empresa Mericano di petrolero ‘Apache’ hunto cu e empresa Frances ‘Total’ a discrubi un campo di petroleo na e costa di Surinam na un profunidad di 6.300 meter.
E totalidad di petroleo cu a wordo discrubi ainda no ta conoci, pero si por bisa cu e ta un reserva di 73 meter diki.
Apache y Total a haya e campo di petroleo na un fuente cu ta yama ‘Maka Central-1’, durante cu nan tabata haci testnan. E presidente di Surnam señor Dèsi Boutersi a nombra e descubrimento aki como un momento historico, pero si e lo tuma e oportunidad aki den cuenta pa con e situacion aki por yuda Surnam sigui desaroya.
Despues cu e noticia aki a sali afo, ta solamente reaccionnan positivo e empresanan a enfrenta. E empresanan lo sigui traha hunto cu e compania di petroleo di Surnam y ambos tin un participacion di 50 porciento den e sociedad.