Central di Polis ta haya un melding di cu’n adicto ambulante femenino tabata haciendo fastioso na un supermercado (Springfield) y cu e tabata canando topless. Di biaha patruya ta wordo manda pa e sitio, pero na nan yegada nan no ta haya e adicto ambulante aki mas.

Polisnan ta papia cu e doño di dicho supermercado, cu ta declara cu e adicto ambulante, yama JACK tabata molestia su clientenan. E adicto ambulante tabata pidi clientenan den e establecimento placa, y ora cu e wordo nenga, e ta bira onsportief. Ora cu e doño a bay pa sak’e for di e luga, JACK a cuminsa pusta boca cu e doño. A controla den bisindario pero no a topa cu niun di dos adicto ambulante. Central di Polis a wordo poni na altura.

Comments

comments