Varios modelo a bisa cu nan a wordo suspendi “indefini” dor di stadionnan di Major League Baseball despues cu nan a “flash” nan pechona durant e di cinco wega di Serie Mundial entre Houston y Washington durante fin di siman. Durante e wega di Diadomingo den Nationals Park di Washington, caminda presidente Donald Trump tambe tabata presente, dos hende muhe den tshirt gel sinta patras di homeplate a hisa nan tshirt y mustra nan pechonan. Na e momento ey e pitcher di Houston Astros, Gerrit Cole tabata riba monticulo y a pidi time-out ora e sucedido a pasa. Despues di un rato, dos modelo a identifica nan mes como esnan cu a haci e acto aki. Julia Rose y Lauren Summer ambos a tweet riba e incidente y a tuma responsabilidad pa e hecho aki. Summer tambe a share e declaracion di MLB cu el a haya cu e ta wordo suspendi pa drenta cualkier stadion di Baseball Major League den forma indefini.