SAO PAOLO, Brasil- Un model di 26 aña a fayece diasabra ultimo mientras cu e tabata desfilando riba e pasarela den e São Paulo Fashion Week (SPFW).
Segun e corant Folha de São Paulo, presente na e desfile, Tales Soares a cay flauw durante e prome secondenan di e desfile di e estilista Igor Bastos, di e marca Ocksa.
E certamen di moda tabata den su ultimo parti ora cu e hoben modelo a kita cay ariba pasarela, den loke na prome instante tabata parce di “tabata algo prepara di antemano” pa e invitadonan presencia e escena den prome fila”, segun e medio Brazilero.
Di biaha, e hoben a cuminsa haya convulsionan y a scupi scuma segun e version publica pa Folha.
E organisacion di SPFW e amiti un comunicado confirmando cu Soares a bira malo diripiente durante e desfile di Ocksa”.
Segun e certamen di moda, “Soares a wordo atendi di biaha pa e ekipo di prome auxilio di e evento y el a wordo transporta cu urgencia pa hospital, unda cu lastimamente el a fayece despues”. Te ainda, e causa di morto di e modelo no ta conoci.
Imagennan captura na momento di e desfile ta mustra Soares drumi boca abao riba e pasarela dilanti e mirado di asombra di e otro modelo cu tabata desfilande na e momento di e incidente.