Recientemente TRASH Store a caba di ricibi un coleccion clasico elegante pa e Dama cu tin un gusto mas convencional. Esaki sigur ta un factor importante di moda internacional mirando cu e industria aki ta cubri diferente faceta. Estilonan cu sigur ta cautiva admiracion na un forma diferente. E uzo di color, estampado y cortenan clasico ta un mescla interesante pa presenta piezanan di moda pa e ser femenino cu un gusto mas tradicional. “Ta importante pa semper tene den mente cu moda tin diferente cara. E ta contemporaneo y clasico, atrevido y conservativo y semper ta busca pa laga e ser femenino luci optimal. Na TRASH Store nos tin e ideologia di cu nos coleccionnan mester complace tur gusto y fit den tur budget” ta locual director creativo di TRASH Store, Ronchi De Cuba, a duna di conoce. E coleccion nobo ta un extra na TRASH Store caminda e boutique ta enfatisa ariba e lema “moda pa tur hende”. No obstante nan coleccionnan mas moderno tambe nan ta presenta propuestanan di moda clasico. “Mescos cu un cuisine ta presenta platonan pa diferente paladar, moda ta presenta piezanan pa diferente gusto” Ronchi ta bisa. TRASH Store ta situa na Sibeliusstraat # 8 y ta habri di Dialuna pa Diasabra di 10’or di mainta pa 7’or di anochi non-stop. Pa mira mas di e coleccion por bishita nan pagina ariba Facebook.