Generalmente nos articulonan di moda, ta bay pa e muhe moderno, pañanan sexy, of lingerie. Pero awe nos ta para keto un rato y pensa tambe ariba e ser femenino Musulman. Hopi caminda rond mundo y vooral na Europa e imigrante Musulman ta wordo rechasa pa dos motibo: terorismo y e lenso ariba cabes.
Cu e prenda aki ta un obheto di preocupacion asina importante manera e menasa terorista grave ta demostra cu su balor simbolico a subi den ultimo añanan. Pa e sociedad occidental, e hecho di permiti e uzo di e lenso di cabes parce di ta consenti cu un forma contrario na nos libertad ta wordo imponi ariba nos, disfrasa di tradicion. Esaki ta un tema hopi amplio, cu por keda debati masha hopi mes ariba dje. Pero e lenso ta sinonimo di religion, tradicion, politica pero tambe di racismo. Cada tema ta manera un enciclopedia. Pero hecho ta, cu tocante e tema aki, nos ta landra den un lama di ignorancia.
Pa e sociedad occidental, eroneamente e hijab (lenso di cabes) ta un prenda mes polemico como e religion cu e ta representa. Simbolo di represion corporal, caminda e ser femenino por biba solamente cera den un propio pañanan pa respeta e percepcion di Islam. Pero awendia, si bo busca ariba websitenan manera Pintinterst, bo ta haya asina tanto informacion di e moda islam, cu bo keda simplemente “Waw”!
Sayanan largo ta forma parti di e amplio repertorio estetico di varios bloggers cu a bira famoso mundialmente pa a crea, por medio di e hiyab, un propuesta di moda cu ta contradeci e amplio criterionan occidental para cu e mundo musulman. Riba Youtube bo ta haya varios tutorial cu ta siñabo con pa luci un hiyabo pa cada ocasion.
Ya no ta posibel pa wak e muhe musulman como un stereotipo di sclabitud pa e hecho di no ta sensual, bou di e convencionnan tradicional di Occidente. Hopi di nan ta refero na e concepto tradicional Islamico di modestia como un control di conducta, accion y e intencion. Tuma como ehempel Summer Albarcha cu a declara na Marie Claire cu e solo hecho di no por mustra cierto partinan di su curpa ta haci’e mucho mas creativo. Anam Shahid, creado di e portal The Style Closet ta afirma cu esaki, cu ta nabo cierto poder, ya cu e ta configura bo identidad, ya cu e ta un estado mental, cu solamente e paña.
Ta danki na muhenan manera esunnan ya menciona, cu e moda musulman a haya un amplio espacio den websitenan. Pero ta e companianan di alta moda ta esunnan cu no a keda cierto ante e potencial di mercado cu tin bou di e concepto milenario aki cu ta acapara un amplio grupo di consumidonan.
Fuente: http://www.nuevamujer.com/mujeres