Diaranson durante reunion di e presupuesto di Aruba, Parlamentario di partido RED Sr Ricardo Croes pasa di 8:30 anochi a duna su palabranan y casi na final di su discurso a toca e tempo di su mocion.
Un biaha mas parlamentario lider di partido Red Sr Ricardo Croes a bolbe splica y papia di acuerdo di gobernacion caminda ta papia di legalisacion di cannabis medicinal ,diaranson anochi un biaha mas el a mustra cu e ta para pa su palabra y pa su 3359 votadornan.
Aki e parlamentario a bolbe presenta su mocion pa descriminalisa cannabis medicinal urgi Gobieno pa pone fondo pa cuminsa cu campaña pa educa na scolnan y comunidad riba e cannabis medicinal.
Sr Ricardo Croes a bisa cu e si no ta sconde pa ningun hende tocante, y cu e ta para cu su cara / frenta den laira representa canabis dignamente.
Na final el a entrega e mocion na presidente di Parlamento Sr Thijsen pa wak si e por haya dos firma mas, maske cu e si a firma pa su mosion, y ningun persona den parlamento no a para banda di e mocion y ta haci cu esaki no por ser trata y ni pasa.