CARACAS, Venezuela – Henrique Capriles, gobernador di Miranda y lider di oposicion, a reafirma cu e mobilisacion di diahuebs ta pa rechasa violencia, e represion di diaranson y e asesinato di e tres personanan den e marco di e protestanan.
Capriles a destaca cu durante e ultimo hornada di protesta contra di Gobierno di Nicolas Maduro, tabata tin 9 persona morto, cientos di herido y mas di 500 persona deteni, algun di nan tabata tin audiencia, aumentando e lista di presonan politico.
El a reitera cu e manifestacion cu tin e obhetivo di yega na e sede di e Defensoria di Pueblo na Caracas, tin e motibo di exigi e respet na e Asamblea Nacional y su competencianan constitucional, solucion na e crisis politico cu e celebracion di eleccion liber, apertura di un canal humanitario pa alimento y remedi y por ultimo, e liberacion di e presonan politico.
E gobernador a confirma e detencion di seis dirigente di Primero Justicia y a destaca cu riba e dia di awe cuerponan policial ta hopi mas agresivo, cu respecto na e represion di manifestantenan na Santa Monica y avenida O’Higgins na El Parais.
Fuente: El Universal