Washington- E unico clinica cu ta practica abortus na Missourri diamars a denuncia cu nan lo tin di cancela e servicio aki e siman aki, mirando cu gobierno estatal ta nenga na renoba nan permiso. Den e caso aki, Missourri lo bira e prome estado den midwest di Merca unda cu lo no tin acceso na e servicio medico aki.
E organisacion Planned Parenthood cu ta e clinica cu sede na St. Louis, awe a demanda e estado di Missouri pa purba na impedi cu e centro stop di practica abortus desde diabierna, ora cu su permiso caduca.
“E siman aki, Missourri lo ta e prome estado den e pais pa pasa pa scuridad, sin un centro di salud cu ta duna e ciudadano un servicio di abortus legal y sigur. Mas di un miyon muhe den edad reproductivo na Missouri lo no tin acceso mas na un centro di salud cu lo ofrece servicio di abortus den e estado unda cu nan ta biba”, e director di Planned Parenthood, Leana Wen, a bisa den un conferencia di prensa.
E ginecologo di e ciudad di St. Louis, Colleen McNicholas, den e mesun yamada a bisa cu “esaki ta acosa, nan ta purba intimida dokternan den e nivel mas halto di gobierno”.
Segun e dokter, e Departamento di Salud di Missourri a dicidi di no renoba nan permiso despues di a cuminsa un “investigacion cu ta parce di no tin base”, riba posibel “definciencianan” den e trabou eherce den e centor.
Dia 20 di mei, Departamento di Salud di Missourri a notifica Planned Parenthood tres asunto cu lo por influi den e renobancion di e permiso, segun documentonan na cual CBS NEws tabata tin acceso..
Dos dias despues, e red di clinicanan di salud reproductivo a sigura cu e lo aborda dos di e temanan ey: “Ahusta” e persona di e clinica cu ta duna conseho legal y agrega un examen pelvico adicional na pashentnan cu ta bin na e clinica pa haci abortus.
Diabierna siman pasa e gobernador di Missourri, Mike Parson, a promulga un ley riba abortus cu ta prohibi e interupcion di embaraso despues di e di ocho siman di gestacion, uniendo su mes na otro estadonan cu leynan similar.
“Firmando e ley aki nos ta manda un señal firme na e nacion di cu na Missourri nos te defende bida, nos ta proteha e salud di e hende muhe y nos ta boga pa esunnan cu no a nace ainda”, e gobernador a indica den un declaracion cu motibo di e firmamento di e lye.
“Tur bida tin balor y merece proteccion”, el a agrega.