Nos Miss Tourism Bonaire Srta. Carolin Coffie ta preparando pa biaha pa Las Vegas pa asina promove Boneiro durante e Show di DEMA.
E aña aki Srta. Carolin Coffie a keda corona como Miss Tourism Bonaire 2018 y un di su tareanan maximo ta pa e por biaha pa Las Vegas acompaña pa e Team di TCB pa e show di DEMA. Carolin a haci ya caba diferente proyectonan manera por ehempel di Coral Restoration Foundation Bonaire, Selibon, Bonaire Blue Destination y lo bay tin mas na caminda. Tambe Carolin a asisti na diferente encuentro nan social y cu invitacionnan special di entre otro na certamen di Miss Curaçao Universe 2018.
E show anual di DEMA, ta e evento comercial mas grandi na mundo pa companianan cu ta haci negoshi den Scuba Diving, Ocean water sports y den industria di adventure dive, cu ta atrae mas di shen exhibidor y miles di biahero y profesionalnan den industria di biahe rond mundo. Adicionalmente pa provee un arena den cua por conduci negoshi y pa networking, DEMA Show ta ofrece participantenan curiculo di educacion mas extensivo den e industria cu ta inclui DEMA-Sponsored Seminars y Exhibitor-Sponsored Seminars di fabricantenan cu ta participa, destinacionnan di biahe y organisacion di certificacion di sambuya. DEMA Show ta produci dor di DEMA, e Diving Equipment & Marketing Association. E paviljoen di Boneiro lo t’ey presente atrobe na e DEMA Show 2018 cual lo tuma luga di 14 pa 18 di november 2018 na Las Vegas, NV.
Carolin Coffie su tarea durante DEMA lo bay ta informa y promove Boneiro tocante oportunidad y facilidad nan pa sambuya. Y tambe informa tocante un Boneiro Blauw caminda lo trece dilanti conservacion y con nos ta implementa uzonan sostenibel na nos isla. Tambe lo bay tin un area di Blue Destination caminda tin oportunidad pa saca potret cu nos Miss Tourism Bonaire.