Nos Miss Aruba Srta. Charlene Leslie ya tin 4 dia na Filipinas unda cu e ta competiendo pa e titulo di Miss Universe 2017. Den e dianan tras di lomba nos representante a hala atencion pa su escogencia di trahenan casual y tambe di anochi cu e ta bisti.
Prensa internacional y tambe missologonan principal ya caba tin wowo riba nos reina cu ta trahando duro pa hala atencion atrabes di su porte y elegancia, cu por cierto ta un otro bentaha cu nos representante tin. Riba e rednan social tambe nos Miss Aruba su popularidad ya a cuminsa aumenta y a cuminsa figura den e lista di varios experto como un di e sorpresanan hopi agradabel den e edicion aki di Miss Universe.
Na e Governor’s Ball Reception Charlene a luci un shimis diseña pa Endy Croes den un color geel hopi yamativo. Aki expertonan a menciona cu Aruba tabata entre esnan mihor bisti hunto cu Brazil y Republica Dominicana. Dentro di poco e votacion lo habri y e ora Aruba completo lo por vota pa asina yuda cu nos representante tin mas chance pa clasifica den e finalistanan dia 29 di januari proximo.