Misioneros de Jesus Aruba cual ta hopi activo den nos comunidad den e ramo di evangelisacion ta presenta un biaha mas e oportunidad pa nos comunidad tende mas di e palabra di Dios pa haya sanacion, liberacion, milager y laga e FE sigui crece. Tur esaki cu un Diadomingo di Milager.
E Diadomingo di milager lo tuma lugar riba diadomingo 13 di November 2016 na Chinese Club. E orario lo ta di 9’or di mainta pa 5’or di atardi. Como predicadonan lo t’ey Padre Wilson Gonzalez di Comunidad Misioneros Marianos y Pedro Quiles di Son by 4 cu nan famoso cancion “A puro dolor” cu nan a gana varios Grammy Award. E contribucion ta unicamente AWG 20,-.
Durante e siguiente dianan nos comunidad lo bay tende mas di e predicadonan aki, cual a entrega nan bida completo na Señor. Cu pa medio di oracion a logra di yega na touch alma di hopi persona y yudanan pa nan FE sigui crece. Mira cu tur cos ta posibel cu FE y oracion. Señor ta bisa nos tur pa no tene miedo pasobra E ta cu bo. Sigur e dos predicadonan aki ta demostra esaki. Nan a kere y ta sigui kere. E FE ta sigui crece y hunto cu ne, sanacion, liberacion y milagernan.
Padre Wilson ta un predicado cu ta colabora cu Misioneros de Jesus New York y Neil Velez. Hunto nan ta bay rond di mundo pa predica y haci retironan pa hoben. Pedro Quiles tambe ta colabora cu Neil Velez, ya tambe ta hopi envolvi den predicacion y retiro pa hobennan. Pedro Quiles tambe tin un canal riba Youtube unda cu e tin su canticanan cu e ta alaba Señor y su testimonionan.
Misioneros De Jesus ta invita henter e Pueblo pa bin e grandioso Diadomingo di Milager aki dia 13 di November na Chinese Club di 9’or di mainta te cu 5’or di atardi. E contribucion ta solamente AWG 20,- y lo tin un cushina bon surti. Tambe lo bay tin disponibel buki y cd di Neil Velez na benta, articulonan religioso cual por wordo bendiciona di biaha.
Carchinan ta obtenibel na: Gallo Rojo, Refresqueria Mayor, The Smiling Shop, El Chalán, Dowco St. Cruz, Botica St. Cruz, Botica St Anna, Valero Boulevard y Valero Esso Ville. Pa mas informacion bishita pagina di Facebook di Misioneros de Jesus Aruba of por yama 730-2055.
E Diadomigo di Milager sigur lo ta yena cu milager, sanacion y liberacion. Wak pa abo haya di bo tambe.