BOGOTA, Colombia- Un mision humanitario di ONU a wordo ataca ora cu nan tabata purba drenta den e zona caminda seis civil a wordo asesisna diahuesb. E seis personanan aki a participa contra di e eradiccion di cultivonan na Tumaco, Colombia.
E comite cu tabata wordo compaña pa miembronan di ONG y periodistanan cu a denuncia di a wordo agredi cu tironan den laira y granadanan, a pesar di a grita cu nan tabata civilnan.
E vice – presidente di Colombia, Oscar Naranjo, a bisa cu “e informacion cu e tin ta cu e mision humanitario ta sano y salvo, y cu polis Nacional lo emiti un comunicado pa aclarea e situacion. Particularmente lo pidi despensa pa e comportamento di e polisnan.
Polis Nacional di Colombia a emiti un comunicado a trabes di su cuenta di Twitter, caminda e ta lamente e hechonan di diadomingo, na El Tandil, Tumaco.
“Un grupo no determina di personanan a purba drenta, forsosamente na e parti posterior di e base, circunstancia cu a pone e polisnan activa dos granada di distraccion, cu no a laga ningun persona herida”, segun e comunicado.
E incidente aki ta bin despues di cu e tension den e departamento Colombiano di Nariño a haya bida door di versionnan contradictorio ariba e morto di e manifestantenan: mediante un comunicado autoridadnan Colombiano a sigura cu e disidentenan di FARC “a ataca cu fusil y mitrailleur riba manifestante- y autoridadnan”.
A pesar di e version di autoridadnan, habitantenan di e region y organisacionnan social ta responsabilisa e atake na e forsanan publico. E echonan a tuma luga ora cu ehercito y polis tabata compaña e trabaonan di erradiccion ilegal den e pueblo di Puerto Rico.
Fuente: http://www.ntn24.com