WASHINGTON, D.C, Merca- Segun calculo di expertonan, basa ariba e reportenan di medionan di comunicacion y di e Comando di Pacifico di Merca, nan ta calcula cu e proyectil Norcoreano lo tin un alcance di 6.700 km.
E misil balistico lansa pa Noord- Korea dia 4 di Juli, ta capas di alcansa teritorio Mericano. Asina e fisico Mericano David Wright, experto den misil y armamento espacial y director di e programa di siguridad global di e asociación di Union di Cientificonan Preocupa.
E experto ta basa su afirmacion den e reportenan di e medionan Koreano y di e Comando di Pacifico na Merca, cu ta indica cu e proyectil a recorre poco menos di 950 km y a keda den aire pa mas o menos 37 minuut.
Segun Wright , si e calculonan ta klop, e misil lo alcanza un haltura maximo di mas o menos 2.800 km.
“E rango aki lo no ta suficiente pa e misil yega na e 48 estadonan central di Merca, of e islanan di Hawaii”, White a declara. “Pero, e lo por yega cualkier parti di Alaska”.
Diamars, 4 di Juli, Pyongyan a realisa un prueba cu’n misil balistico intercontinental Hwasong-14, segun datonan di television Norcoreano. A raiz di esaki, presidente Mericano Donald Trump a urgi China pa tuma medidanan severo contra Noord- Korea pa persuadi su dirigentenan pa stop nan programanan nuclear y di misil.
Fuente: www.actualidad.rtl.com