Pastoor Stanislaw, ta invita rumannan pa Santa Misa den Hofi di Mama Maria,
diasabra 6 april, pa 8’or di mainta.
E prome cinco diasabra di luna (Sigui)
Lucia vidente di Fatima, tawata den convento ora cu Mama Maria a bolbe aparece na dje cu Niño Hesus. Niño Hesus a bise tene compasión di e Curason di nos Santisima Mama.
Mama Maria a bisa Lucia: Mi curason ta yena cu espinas, cada momento ta wordo claba mas espinas den dje pa motibo di blasfemia y ingratitud. Abo al menos percura pa consola mi. Enforma mundo henter cu esnan cu durante cinco luna sigui, riba prome diasabra di luna; Confesa, Ricibi Sagrado Comunion (bai Misa), Resa Rosario, y Medita 15 minuut riba e Misterionan di Rosario, “mi ta priminti nan cu mi lo ta presente na ora di nan morto pa nan salbacion”.
Pakico 5 diasabra?
Mama Maria a splica Lucia asina: ta trata di 5 typo di ofensa y blasfemia haci contra
Inmaculada Curason di Maria.
1- Blasfemia contra su Inmaculada Concepcion.
2- Contra su Virginidad.
3- Contra su Maternidad Divina, rechaso di nos Mama.
4- Contra esnan cu ta infundi den e curason di nos muchanan e desprecio, indiferencia y
odio contra nos Mama Inmaculada
5- Contra esnan cu ta ofende directamente su Sagrada Imagen.