Biblioteca Nacional, den cuadro di e tan conoci siman y festival di buki pa mucha, cu lo bay tuma luga na fin di October pa November, ta avisa tur hende cu ya tin material cla caba. Como si fuera poco a menciona tambe cu den cuadro di siman cu tabata tin un percance pa motibo di awasero, etc. lo bay tin un extra tayer/workshop, lo ta 12 di October, Dia de la Raza, manera e ta wordo yama, pa tur persona interesa, en especial maestronan di scol primario di henter Aruba y tambe scolnan priva. Ta trata aki di un tema cu ta Welo/Wela, Opa/Oma, contami y inspirami. Sa cu tin cu duna balor na nos grandinan. Ta pesey a bin dilanti un Matruschka, caminda cu por mira cuater generacion di hende y tur ta dama. Pesey Mirto Lacle, kende a presidi e conferencia di Prensa di Biblioteca Nacional, a lesa tambe loke ta yama den cuadro di siman di celebracion di educador y maestronan, a dedica un poema na tur e educador/maestro.
Ser Maestro
Ser maestro ta un acto di fe
Fe den posibilidad di cambia mundo, mientras cu e maestro ta educa
Fe den individuo
Fe den e supermacia den rikesa intelectual
Ser maestro ta un acto di amor, pasobra entrega di su mes como maestro ta implicito, den e tarea, pasobra e ta duna cu mannan yen, sin spera nada a cambio.
Ser maestro, ser educador
Ta ser un soñador
Kere mas aya den un epoca frivolo y esceptico
Kere den e spirito di e ser humano
Y kere cu algun dia na fin di caminda nos como maestro por entrega na e otro e antorcha na un discipulo, tambe un otro soñador.
Pabien na tur maestro riba e dia y e siman aki di educador
Kico por spera
Den e tayer aki, manera semper, tin un pakete crioyo. Aki tin compilacion di e tema ya menciona y diferente articulo, pero tambe formanan didactico cu por uza for di scol di e edad 4 aña te cu 12 aña.
Fuera di esey, Mirto Lacle ta hincando casi 100 pagina di informacion cu tur loke tin di haber di Welo/Wela, Opa/Oma, no na Aruba so, pero den biahenan, tanto na Hulanda y tambe den exterior Latino America, ta scoge diferente buki cu ta kere cu ta pa apto pa e maestro/maestra uza. For di salida di solo te bahada di solo, manera hendenan na Ingles ta bisa “sunrise/sunset” for di nacemento di cuna, te ora cu bo ta bay bo partida den mas aya, a hinca pa e maestro, e educador por comparti cu su muchanan di klas, tur e convivencianan, kico ta e actividadnan, cu abo ta haci cu bo abuelo. Kico ta e actividadnan cu abuelo ta haci cubo. Kico ta e actividadnan cu bo mester a realisa prome cu bo 12 aña. Cu of sin bo abuelo, aña 2016 ta dedica como e aña di buki.
Buki, manera nos sa, Jorge Luis Borgues, ta un extension di bo creencia. Buki ta pone nos biaha den mas aya. Buki ta pone nos conoce otro cultura. Pesey den interculturalidad, multi y e culturalidad, a trata tambe dos wela. Un por ehempel di aki banda, uno di Europa, con nan ta bringa pa gana e mucha den nan. Pero na fin di caminda nan dos tin cu compronde cu tin cu comparti e cultura cu nan tin pa nan por yega na educa e mucha aki, respetando cada cultura. A compila loke ta yama un Powerpoint y aki a haci diferente pregunta na e maestronan y lo haci y lo mustra cu lo mira riba e posternan, con abuelo riba rollerskates, con un abuela ta subi den un mata, hunto cu e mucha. Ta papia di e buki di color, di Jeroen Hoogewerp, caminda cu ta puntra kico ta famia. Kico ta e constelacion di un famia. E ta consisti di un tata, un mama of tambe mayor cu a bay caba, cu a fayece. Of caminda tin un separacion. Con e famia aki ta constitui. E welanan ta biba aki of nan ta biba afo. Tin fayecido den famia, un tata so ta cria e yiunan y esakinan ta e preguntanan cu lo resalta den e workshop, pa medio di un powerpoint, caminda cu lo laga observa unda cu lo mustra diferente cos, scucha e voz di experiencia, referiendo na nos grandinan cu a sa di traha, bringa, pa unda nos ta awe, segun Lacle.