Recientemente tabata na Santo Domingo, Republica Dominicana, Srs. Mirto Lacle, Robert Jeand’or y George Jacobs.
E tres cabayeronan aki di Aruba, tabata na Santo Domingo y nan a realisa un conferencia tocante e genero di Salsa den e Facultad de Artes di UASD.
E genero musical, durante e Semana den Caribe, su origen, desaroyo, difusion y cristalisacion tabata e titulo di e conferencia ofreci pa e intelecutal di Aruba, Sr. Mirto Lacle.
Sr. Lacle a haci un recorrido den e historia di Salsa, musica contagioso cu ta debe su nomber na e Dominicano Johnny Pacheco y e ta un fusion di varios ritmo Caribeño. Ademas, Mirto a presenta tambe un documental tocante e museo di Salsa cu ta existi na Puerto Rico, durante e ultimo añanan.
E conrector di Extension, e maestro Rafael Nino Féliz, tabata presente na e acto y e tabata compaña pa e directo di e Escuela de Musica, maestro Leini Guerrero; e director di e Escuela de Cine, Television y Fotografia, maestro Julio Melo; e directora di e Escuela di Crítica y Historia del Arte, maestra Zoila Anitza Gutierrez; e salsero y merenguero di Aruba, Robert Jeand’or; ademas di multiple studiantenan interesa den e tema aki.