Mi tata ta un pensionado di 65 aña, pashent di fybrose pulmonar. El a acerka AZV pasobra e kier a haya un second opinion, pero a wordo nenga. Nos a bende cuminda pa hibe. Dia 28 el a biaha cu su machine di oxigeno cu ami a huur na labco. Nos tabata bayendo Cali via Bogota y yegando Bogota e mashin su bateria a baha y a cambie y nada e no a traha y aki mi tata a falta oxygeno y a bira basta malo. Na yegada e wordo hiba cu ambulance na sanidad cu ta na airport mes y djey a hibe cu urgencia na hospital Engativa. Aki nos a haya nos cu un trato inhumano caminda mi persona a wordo saca di e cura di eerste hulp. Riba caya madruga mi so.. Ma bay drumi na airrport y su mañan ma bolbe bin puntra y nan tratami malo atrobe. Cu hopi esfuerso ma logra drenta y mi tata ainda por a papia un poco pero hopi cansa y altera. E dokter bon gorosero a papia y zundra bisa cu con dokter di Aruba por a firma pa mi tata sali di Aruba. Cu e fout ta di dokternan di Aruba.. Djey nan a sacami afor atrobe. Su situacion a empeora di biaha cu e bira malo. Nos a yama dr. Schwengle cu ta un di su dokternan di pulmon pa pidi ayudo, pero Schwengle a bisa mi ruman di biaha cu e lo no yuda. Asina nos a keda bati na porta di AZV y AZV a bisa nan tampoco lo haci nada. Mi ruman a papia personalmemte cu Mike Eman y esaki a priminti cu nan lo yuda manda Air Ambulance busca mi tata y Gobierno lo cubri gasto.. Esaki tabata un gañamento pasobra djey mester a bolbe cerca Schwengle kende a bisa cu loke Mike a bisa no ta berdad y cu si nan lo wak pa yuda pero famia mester paga tur gasto bek. Nos a bisa ta ok nos lo paga, contal e yega prome cu ta laat. Nan e keda bira nos paki paya y mientras mi tata a bira pio y haya infarto. Ni cuanto ma roga hasta ma bay consul Hulandes na Colombia splica nan cu minsa kico pa haci, mi no tin caminda di keda, nan no a yuda. Cada dia Gobierno ta bisa e proceso ta pega mester warda. Nan tabata bo worry pa sa ken lo paga e debe bek. Y asina diadomingo 9 di October mi tata a muri su so. Pasobra na e hospital nan no laga nos pasa su ultimo momento cune. Pafo nos mester a keda. Nos yama schwengle bise awo papa a muri. No asina nan a yama e hospita pa regel pago of miho bisa lening. E hospital a bisa di lo warda mi tata su curpa den morge y nos no lo wak e mas.. E curpa ta den beslag. Paso nada di Gobierno su reaccion. 2 dia despues nan a yama di hospital bisami pa wak pa nos paga of Aruba yama paso mi tata su curpa ta den estado avansa di descomposicion. Cu dolor na mi curason mi mester a mira mi tata su curpa den estado derprorabel di putri y casi remente. Caminda ma pleita casi bringa cu nan pa loke a pasa. Pero nan kiermen si Gobierno a sikera yama nan, esaki lo no a pasa. Door mi tata tabata casi rementa eyden, nan a lagami hibe un funeraria pero e ainda ta den beslag y unico cos cu por hasi cu e curpa awo ta crem’e.. y ainda wardando e ayudo di Gobierno cu nan a gaña nos cu lo haci y nunca a yega.. Cu rabia y tristesa den mi alma mi kier pa Aruba haya sa e storia aki cu ta asina cruel y inhumano. Pasobra si tabata un famia di un minister sigur nan lo a manda ayudo di biaha. Ningun Arubiano mas mi no kier pa pasa den algo asina. Mi tata a campaña hasta pa Schwengle y te dia mi tata a muri Schwengle ni sikiera a puntra con a bay cune, nada.. actua manera hende sin curason. Esaki ta lo peor cu por pasa cu un yiu di tera y lo mi no descansa te ora Schwengle tuma su retiro, pasobra e no merece di ta riba e puesto ey.. Un Gobierno cu no por saca un man yuda un Arubiano pasando calamidad no merece di ta gobernando.