E tempo cu muchanan ta pasa dilanti un pantaya awo ta wordo vincula cu 12 tiponan mortal di cancer, ademas di obesidad y dolornan visual, cientificonan ta adverti.
E exposicion creciente di muchanan na smartphone, tablet, console di wega, cu door di esey e ta kedo keto pa un tempo largo, ta impulsando e aumento di peso a largo plazo. Y obesidad, di otro banda, a wordo identifica como un di e causanan principal di cancer, segun un publicacion di un revision global di 80 estudio independiente, realisa pa e World Cancer Research Fund.
Sobrepeso ta trece cun’e varios tipo di cancer, incluyendo cancer di pecho, colon, riñón, higra, ovario, pancreas y prostaat.
Ademas di aumenta e riesgo di muri jong, e exceso di tempo cu ta pasa tras di e pantaya ta dañando e bista di esunnan jong: e cantidad di muchanan cu miopia a duplica den e ultimo 50 aña
Segun e estudio, e tempo cu ta pasa riba e smartphone, tablet y videogame, ta un factor determinante cu ta impulsa e muchanan pa bira gordo: hunto cu e bebidadan zoet, esaki ta e di dos “promotor” principal di obesidad.
Investigadonan a adverti cu su conclusionnan mester yega na un “preocupacion importante” y exigi un miho control riba e anuncionan di cuminda lihe, cu ta haci e efecto cu esaki tin ariba mucha, ta pone cu e ta pasa menos tempo ta haci ehercicio.
“E informe ta destaca e importancia di actua trempan pa yuda na preveni cancer”, Sophia Lowes, di The Telegraph y colaborado di World Cancer Research Fund, a señala.