Bao guia di Ministerio Publico, Cuerpo Policial di Aruba a cuminsa un investigacion na posibel abuso policial durante detencion di un sospechoso. Dos agente policial ta wordo sospecha di maltrato di e sospechoso aki. Tur dos polis a wordo aresta y poni den detencion.
Banda di e caso aki, tin un di dos investigacion andando relaciona cu un otro denuncia di maltrato di un sospechoso na man di Polis. Asina cu e investigacion den e prome caso ta permiti, mas capacidad lo wordo poni riba e di dos investigacion aki. Ambos caso tin atencion di Ministerio Publico y Cuerpo Policial, y ta wordo tuma hopi na serio, tambe tumando na consideracion e capacidad di investigacion cu ta disponibel.