ALMERE, Hulanda – Ministeri Publico lo bay haci un investigacion na e mosque Al-Raza na Almere. Esaki ta sosode según un vocero, debi na un transmisión di diadomingo anochi di e programa di televisión “Undercover in Nederland”. Eynan por a mira cu e mosque lo ta participa na casamentonan religioso contra ley.
“Nos ta wak prome si tin papia aki di echonan castigabel,” e vocero a bisa como reacción di un noticia di Omroep Flevoland. Despues di e investicion orientador Ministerio Publico lo dicidi si e mosque lo wordo persigui. No ta papia di esaki ainda, según Ministerio Publico.
Poligamia
Den e programa di diadomingo anochi, cu ayudo di un camara scondi por a mira cu un muhe a haci manera cu e kier a casa cu un musulman. E lo a bira su di tres casa. Den e programa por a mira cu e lider di e mosque lo a contribui na e casamento, aunke cu e ta na altura cu esaki ta contra ley Hulandes.
Poligamia na Hulanda ta prohibi, pero segun creencia Islamita, un homber por casa te cu cuater hende muhe. Na Hulanda solamente un casamento religioso por wordo cera si prome cu esey un casamento pa ley wordo ehecuta.
“Ningun casamento”
Despues cu su palabranan riba camara a wordo confirma, e lider di e mosque despues di e transmision a bisa Stegeman cu e no lo a permiti e casamento tuma luga.
Segun e programa, e muhenan n sa tur ora cu nan casa tin mas muhe. Pero nan tin cu obedece e ley Islamita, caminda cu divorcio ta imposibel.
Preguntanan di Tweede Kamer
A base di e transmicion CDA y SP a manda haci pregunta. VVD kier un cambio di ley, caminda cu ta impone castigonan mas halto na esnan envolvi
Fuente: RTL Nieuws