Ministerio Publico no por actua si no tin prueba of sospecho di un hecho castigabel
Segun Procureur Generaal, Sr. Alexander van Dam, Ministerio Publico nunca lo actua sin ta sigur si tin un sospecho di un hecho castigabel a tuma luga. Solamente si nan tin pruebanan, nan por pone e caso en marcha y actua a base di ley. E ta splica.
Pero pa Belastingdienst bo mester demostra con bo a yega na bo placa y e ora Ministerio Publico lo bay investiga con por trece e partidonan envolvi hunto y zorg pa tuma e decision corecto. Pa esaki mester di tempo, ya antes esaki a wordo haci caba.
Pero aworaki tin e oportunidad di sinta hunto y pa saca afo cual ta e miho metodo den e caso specifico aki pa traha ariba e caso. Segun Sr. Van Dam, e afpakteam ya caba ta activo for di dia prome di Februari, pero no tabata tin un luga y awo cu esaki ta na ordo, y aki e personanan cu ta traha pa e organisacion lo cuminsa awe. Ta trata di personanan di diferente departamento cu awo lo traha hunto.
Tambe a puntra mr. Van Dam tocante kico lo haci cu articulonan cu a wordo tuma den beslag, riba cual el a contesta cu pa esakinan tambe nan a keda cla cu un luga, caul e no kier a divulga, no mas cu ainda nan ta bezig pa wak cual ta e miho enfoke pa cual si nan tuma un auto of boto den beslag, kico nan lo haci despues. Si ta bendenan aki mes na Aruba of lo mester bendenan den exterior. Ya cu den un comunidad chikito na Aruba, ta facil pa un criminal haya sa ken tin nan auto y ta haci todo por todo pa haya nan cosnan bek.
Procureur Generaal, mr. Alexander van Dam, a sigui splica cu e miembronan di Afpakteam ta traha solamente cu e Afpakteam. Esey kiermen cu algun dienst lo tin algun persona pa tres dia na nan dispocision, ta depende di e caso cu nan t abezig cun’e. Si ta un caso criminal, esey lo ta un caso unda tanto Ministerio Publico como Cuerpo Policial lo ta traha en conhunto cun’e, pero si ta trata p.e. di un caso di evasion di impuesto, esey lo traha en hunto cu Departamento di Impuesto.